- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
- Copa Airlines y Wingo tambe ta suspende vuelo pa Caracas
OM: A detene comerciante sospecha di fraude fiscal grandi, labamento di placa y mas
ORANJESTAD - Awe tabatin varios accion di ristramento den cuadro di un investigacion penal tocante labamento di placa, fraude fiscal, fraude di Aduana, falsificacion y empleadonan ilegal.
E investigacion, cu a haya e nomber Saffraan, ta bao di direccion di Ministerio Publico y ta den man di Recherchesamenwerkingsteam (RST), den colaboracion estrecho cu Cuerpo Policial di Aruba, Landsrecherche, FIOT (Fiscale Inlichtingen- en Opsporingsteam), Aduana y UMM (Unit Mensenhandel/Mensensmokkel). Durante e accion di awemainta a ristra den tres tienda, un oficina di administracion y cas di un sospechoso. A confisca varios documento, cargadornan digital pa warda data y administracion financiero. Tambe a confisca propiedadnan y medionan financiero di un sospechoso. Te na e momento aki a detene un persona.
E investigacion Saffraan a start despues cu varios partner di investigacion financiero a indica cu nan a haya señalnan cu ta mustra posibel actividadnan castigable di e compania y/of di su director. For di e hallazgonan di e investigacion cu a cuminza despues di esaki, a surgi e sospecho cu e compania envolvi ta facilita empleo ilegal di persona y cu pa medio di administracion falso ta ontduik belasting y keda sin paga derechonan di importacion.
E investigacion ta den pleno desaroyo. Pa e motibo ey, lo no duna niun informacion tocante identidad di e persona deteni of di e compania involvi. Ministerio Publico no ta exclui cu lo por cay mas detencion den futuro den e investigacion aki.
Ministerio Publico ta considera labamento di placa como un di e pilarnan principal di criminalidad cu ta mina sociedad (ondermijnende criminaliteit). Mirando cu reconoce y detecta labamento di placa por ta complica, ta nodo pa informacion wordo comparti na un manera corecto y pa actua na un forma integral contra dje. Ministerio Publico ta traha hunto estrechamente cu partnernan pa combati labamento di placa efectivamente. NOTA: E potret cu ta acompaña e articulo aki ta uno generico y di archivo y no ta necesariamente di e caso di awe, sino ta sirbi solamente como ilustracion.
Aruba ta conoce su di 9 morto di trafico pa 2025
ORANJESTAD – Un peaton cu a keda alcansa dialuna pa un auto, a fayece diamars anochi laat y bira asina e di 9 morto di trafico. Asina polis a confirma diaranson mainta. Tabata dialuna 1 december 2025 den oranan di merdia, cu central di polis a wordo notifica cu un auto lo a alcansa un peaton na Pastoor Hendrikstraat na San Nicolas. Central di Polis ta despacha Polisnan di San Nicolas y ambulance. Na yegada di e prome patruya a bin encontra cu un hende homber riba caminda y su situacion tabata mustra hopi critico. Ambulance a yega na e sitio y a stabilisa e victima y bay cune cu maximo urgencia pa hospital y na unda a percura pa cera e crusadanan importante cu diferente patruya pa asina por yega lihe y sigur Hospital.
Wardacosta a gara boto cu 5 persona indocumenta drentando Aruba
Hoben perdi riba laman, a keda localisa awe marduga sano y salvo
Wardacosta: Buskeda ta continua pa hoben(21) perdi riba laman
ORANJESTAD - Den ora nan di diadomingo atardi di 30 di november, Centro Operacional Maritimo di Wardacosta a ricibi un yamada relaciona cu un persona perdi riba lama. E persona aki a sali riba un jet ski, aproximadamente 3 or di atardi for di Fisherman Hut i no a regresa. Ta trata di un hende homber (stranhero) di 21 aña di edad, biba na Aruba. A manda un unidad di Metal Shark pa busca den area den combinacion cu e helicopter di Wardacosta y tambe e helicopter di Marina Real. E helicopter di Marina Real a logra di mira e jet ski mas o menos 5 miya for di costa pero no tabata tin niun hende riba dje. E avion Dash 8 di Wardacosta lo bai asisti cu e buskeda pa resto di anochi. “Nos lo informa debidamente na momento cu nos tin mas informacion” wardacosta a informa diadomingo anochi.
A detene persona cu a causa destruccion na edificio y propiedad di Parlamento
Polis ‘porfin’ a reconoce victima di asesinato na Solito
ORANJESTAD - Despues di casi 5 dia cu polis a drenta un cas na Solito, nan por a divulga loke prensa ya caba a publica for di comienso, esta e identidad di e persona y cu ta trata di un asesinato. Segun polis, ‘investigacion riguroso ta andando keto bay di e caso di asesinato na un adres na Solito’.
Follow NoticiaCla
