Shutdown mas largo di Gobierno Mericano ta baha demanda pa biahe den Thanksgiving

NEW YORK – Un record di mericanonan tabata spera pa bula den fiestanan di Thanksgiving cu ta bini, pero e shutdown mas largo di gobierno den historia a baha e demanda durante un di e temporada di biahe mas ocupa di aña. Hopi biahero preocupa a reconsidera nan plan mientras anulacion y demora tabata sigui aumenta durante e shutdown. “No ta bal pa stress mental y preocupacion y pregunta cu si mi keda traha, unda lo keda pega?” asina Elizabeth Kelley, 45, a bisa. Durante e shutdown el a dicidi pa no bula bay Maine pa bishita famia pa Thanksgiving, pa miedu pa demora y anulacion. E planan no a cambia.

Mas o menos 6 miyon biahero mericano tabata spera pa tuma bula domestico durante e fiesta, un aumento di 2% compara cu 2024, segun AAA. Pero reservacionnan a baha fuerte ora e shutdown a pasa un luna. E cayen mas grandi tabata den siman cu FAA a ordena recorte di bula den 40 aeropuerto grandi. Te dia 24 di november, reservacionnan pa e periodo di 5 dia ta 4.48% abou compara cu un aña pasa, segun dato di Cirium. Reservacion tabata 1.56% ariba dia 31 di october, pero despues a sigui baha.

Den Aeropuerto Newark e dialuna, administrador di FAA Bryan Bedford a bisa den un conferencianan cu prenza cu biaheronan por tin confianza, pero mester prepara pa aeropuerto ocupa y problema di clima. “Pa nos, e siman aki ta nos Super Bowl, y nos tin un plan bon,” Bedford a bisa. “Tin confianza pa bula.” Southwest Airlines a bisa cu shutdown y inseguridad economico a haci pronostico pa Thanksgiving dificil. Delta Air Lines ta spera bula mas o menos 6.5 miyon persona, parecido cu aña pasa. Un parti di linea aereo ta spera ola di reservacion ultimo momento si confianza ta bolbe. United Airlines ta spera transporta 6.6 miyon biahero den 13 dia, e cifra mas halto pa un temporada di Thanksgiving. American Airlines lo opera cerca 81.000 bula den es mes periodo, compará cu 77.000 den 2024. FAA ta spera cu e temporada di Thanksgiving aki lo ta e mas ocupa den 15 aña, cu mas biahero den dia 25 di november. “Normalmente mi no ta haya reservacion asina rapido y ultimo momento,” Kimberly Hillard, co-propietario di Front Porch Travel na Annapolis, Maryland, a bisa. “Mi a haya dos reservacion ultimo momento e siman aki, unu pa Aruba y otro pa Costa Rica,” despues cu hopi di su clientenan a pone nan plan di biahe na pausa durante shutdown.

Hopi biahero ta evita aeropuerto grandi. Por ehempel, Atlanta Hartsfield-Jackson, e aeropuerto mas ocupa di Merca, lo haya 7.6% menos biaheronan di Thanksgiving. Amtrak ta spera un record den biahe den trein despues cu 1.2 miyon mericano a reserva viaje aña pasa. Plataforma Wanderu ta mira demanda subi 17% nacional, lider pa reservacion di bus. E efecto di shutdown por keda te Navidad. Durante shutdown, reservacion a keda 0.42% abou na comparacion anual, segun analisis temprano di Cirium.