- Departamento di Relacionnan Exterior ta adverti pa no biaha of nabega pa Venezuela
- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
Parlamentario na Corsou kier pa pone “the blue wave” riba plachinan di number nobo di auto
WILLEMSTAD – “Ainda tur hende ta celebra con seleccion di futbol di Corsou a marca historia dor di posiciona Corsou pa Mundial 2026. Tur dia ainda rond mundo hendenan ta papiando di Corsou”, parlamentario Sheldry Osepa den carta na minister di VVRP ta pidi pa pone “the blue wave” riba plachinan di number nobo di auto. E propaganda pa nos dushi Corsou ta impagabel. Corsou, un isla chikito drumi den laman Caribe, a bolbe haci un hazaña cu pais grandi por solamente soña cune. Pesey den e dianan aki pueblo di Corsou no ta canta mas: “Tula warda, no wak ainda”, pero e generacion nobo cu orguyo ta canta awor: “Mama, wak unda nos a yega!”
Osepa ta sigui dicando cu e experencia grandioso aki caminda Corsou ta e isla di mas chikito den mundo cu ta bai mundial, mester wordo graba pa semper den nos mente. E mester ta un estimulo pa tur generacion cu ta bini. E evento aki mester laga nos corda di diferente deportistanan cu a lucha y habri portanan pa cu ora e porta internashonal habri, hopi generacion lo siguini drenta. Ken por lubida Hensley “Bam Bam” Meulens cu a haci su MLB debut na 1989 cu New York Yankees? Awe 36 aña despues Corsou ta un isla internacionalmente respeta den baseball. Y nos sa cu futbol tambe lo pasa mesun cos. Pesey mes e logro di Corsou pa bai mundial mester wordo registra tur dia den nos corazon. Tur hoben yiu di Corsou mester sa cu nan tambe tin talento y capacidad pa hunga futbol riba e nivel mas halto den mundo.
Un manera pa sigura cu tur hende desde awor pa dilanti lo keda corda e momentu grandioso caminda Corsou a demostra determinacion, disciplina y capacidad, ta pa grava riba nos plachinan di number di auto e palabra: “the blue wave”. Mirando cu gobierno tin intencion pa na aña 2027 introduci plachinan di number nobo di auto, mester wak e posibilidad pa usa esaki pa marca cu historia e logro grandi pa Corsou. Usa plachi di number pa marca y corda momentonan historico no ta nada strano ni nobo. Osepa ta bisa cu tin ehempel den United Arab Emirates, China, Singapore y Merca. Tin pais ta saca moneda special, pero plachi di number tambe por usa pa pueblo semper keda corda.
Corsou a keda selecta den grupo E, cu Alemania, Ecuador y Costa di Marfil pa mundial 2026
WASHINGTON – E seleccion di futbol di Corsou a termina den grupo E pa e mundial de futbol 2026,hunto cu Alemania, Ecuador y Costa de Marfil (Ivory Coast). Mientras cu Corsou sa ken su contrincantenan ta, e prome wega di Corsou ta dia 14 di juni contra di Alemania na Lincoln Financial Field — Philadelphia, USA. Pa e resto, tin cu warda te cu diasabra awor, ora cu ta bira conoci unda nan ta hunga y cua stadion. Corsou ta topa dos ekipo fuerte, cu ta Alemania y Ecuador.
Debi na crisis den region, prome minister di Corsou, Pisas tambe a cancela biahe pa Hulanda
WILLEMSTAD – Diabierne, 5 di desèmber 2025, Prome Minister Gilmar Pisas tambe a tuma e desicion pa cancela su bishita di trabou pa Hulanda, mescos cu prome minister Mike Eman a haci anteriormente y cu Noticiacla tambe a publica. E bishita tabata incluí partisipacion den Inter Expo-Koninkrijk dia 9 di december y tambe asisti na reunionnan importante cu varios mandatario den Reino.
Corsou ta conoce su contrincantenan awe pa mundial di futbol 2026
WILLEMSTAD – E sorteo pa Copa Mundial di Futbol 2026 ta central awe diabierna y mayan diasabra pa Corsou. E seleccion nacional lo sa cu cua paisnan nan lo topa den e siguiente fase riba caminda pa WK. E sorteo ta tuma luga na Washington D.C. 1or di Corsou e ceremonia lo cuminsa, cu lo dura te tres or. Segun custumbre lo ta un show grandi. Asina tambe ta spera cu presidente di Merca, Donald Trump, lo haya hopi atencion di presentadornan Heidi Klum, Kevin Hart y Danny Ramirez. Sorteo por wordo sigui na tur plataforma di ESPN y tambe ta biba riba television. Diasabra, sinembargo ta haya sa na unda y ki ora e weganan lo tuma lugar.
Na Corsou, director di supermercado grandi a menasa su famia cu arma y haya retiro immediato
WILLEMSTAD – Director statutario di e cadena grandi di supermercado na Corsou, Goisco, Joel Jose da Silva Goes, ayera den oranan laat di mainta a menasa un miembro di su famia den e negocio di Goisco na Schottegatweg. Esaki a provoca cu e la haña retiro immediado manera director estatutario di e compania. Segun informacion, e desicion aki no tin ningun efeco riba funcionamiento normal di e negocio.
Corsou ta ricibi buelo regular nobo di Latam for di Bogotá y Peru
WILLEMSTAD - Ayera tabatin buelonan inaugural di e compania di aviacion Latam for di Bogota y for di Peru. Latam ta e compania aereo mas grandi na Latina America. E aerolinea originalmente di Chile, ta ehecuta buelo rond e continente. Ayera tabatin dos ceremonia di bon bini. Pa handel su Airbus A320 aki na Corsou, Latam a contrata e compania local Antilles Aerospace. Diamars merdia tabatin prome un buelo inaugural di Latam cu pasahero for di Colombia y esaki dentro di poco a regresa Colombia. Mas atardi a yega un buelo nobo mas di Latam; esey a bini for di Peru pa despues cu a atend’e profesionalmente, e la bula bai Peru bèk. Cu esaki Latam a inicia un servicio nobo di tres biaha pa siman entre Colombia y Corsou y tambe tres biaha pa siman entre Peru y Corsou.
Na Corsou, Cft lo sigui investigashon penal na Curaçao Gaming Authority di aserca
WILLEMSTAD - Kolegio di Supervishon Finansiero (Cft) ta bisa di por a komprendé ku Ministerio Públiko ta hasiendo un investigashon na Curaçao Gaming Authority (CGA). Den e reakshon riba e di tres ‘uitvoeringsrapportage’ di gobièrnu e kolegio ta bisa ku CGA ta responsabel pa ehekushon di e lei nobo di ‘online gaming’, LOK. CFT ta sigui e desaroyonan di aserka i lo drenta den deliberashon na nivel di ámtenar riba esaki.
Follow NoticiaCla
