Banconan arubiano ta spera prestamo menos flexible

ORANJESTAD – Lo bira mas dificil pa haña un prestamo na Aruba. Banconan den segundo cuartal di 2025 ta menos optimista tocante espacio di credito comparado cu principio di aña. Esaki a sali den un investigacion nobo di Banco Central di Aruba (CBA). E yamado indice di condicion di credito a baha di 102.6 pa 102.2. Un score mas halto cu 100 ainda ta nifica cu banco ta positivo, pero e baha ta mustra cu confianza ta keda mas abou. Empresanan ta sinti esaki mas fuerte: banco ta mira prestamo pa negocio como menos atractivo cu promesa, y ta spera cu durante e proximo luna lo bira un poco mas dificil pa haña financiamiento empresarial.

Un motibo importante ta cu banco ta keda cu menos placa disponible pa presta. CBA ta indica cu e liquidez extra entre maart y juni a baha cu 67 miyon florin. Esaki ta nifica cu tin menos espacio pa duna credito nobo. Cos curioso: demanda pa prestamo si ta subi. Persona particular ta sigui tuma prestamo pa auto, durante cu empresa ta busca mas placa pa inversion y propiedad comercial.

Pa resto di e aña, banco ta spera cu haña financiamiento lo bira mas caro y cu lo tin menos placa disponible pa presta. Esaki por causa condicion mas strikt pa prestamo nobo.