Polis ta raporta posibel caso di asesinato di dama na Solito

ORANJESTAD – Diadomingo polis a raporta cu ‘a haya un curpa sin bida na un cas na Solito’. Pero ya den curso di dia, otro medionan a cuminsa raporta cu ta trata un caso di asesinato di un dama. E portal 24ora a bay mas leu di raporta cu ta trata di un dama dominicano cu tabata traha na un restaurant local y cu a haya e curpa motile den un vriezer na e cas. Polis sinembargo ainda no a confirma esaki publicamente. Segun e raportahe oficial di polis, ‘te aworaki e identidad y ni sexo  di e persona te ainda no a wordo confirma’. Loke si a bisa ta cu a confisca varios articulo na e cas. “ Mirando cu te ainda e investigacion ta andando no por duna mas informacion” polis a sigui bisa.