Universidadnan di Aruba, Corsou y Sint Maarten ta traha hunto pa stimula emprendemento y innovacion local

ORANJESTAD / WILLEMSTAD / PHILIPSBURG –   – Universidadnan di Aruba, Corsou y Sint Maarten a anuncia un iniciativa conjunto pa stimula emprendemento y duna push na innovacion den nan contexto social, ecologico y economico propio.

E colaboracion ta ricibi apoyo di un donacion di €150,000 for di Representacion di Hulanda na Aruba, Corsou y Sint Maarten. Representante Hulandes Gerbert Kunst a bisa: “Despues di a traha como Consul General na San Francisco (2016-2020), mi ta desea sigui construi riba e best practices di Silicon Valley. Ta emociona cu tur tres Universidad den e parte Caribeno di Reino ta habri pa amplia educacion den emprendemento pa forma e proxima generacion di startupnan Caribeno.”

Na centro di e colaboracion ta e Kingdom Startup Program, cu Hubs na Aruba, Corsou y Sint Maarten, cu lo sirbi como piedra base pa ecosistemanan sostenible di innovacion den e region Caribeno di Reino di Hulanda.

Na marco di e programa, studiantenan, fundador academic ambicioso y changemakernan nobo lo ricibi entrenamiento practico den emprendemento contemporaneo y metodologianan di innovacion. Participantenan ta traha estrechamente cu gobiernonan, partner di sector privado y organizacionnan social pa co-crea solucions practico pa desafionan social y economico.

PILOTO CONJUNTO NA ARUBA

Implementacion piloto di e programa lo tuma lugar na Aruba den verano 2026, cu participacion adicional di delegacionnan di studiantenan di Corsou y Sint Maarten. E piloto aki ta pone base pa un integracion a largo termino di educacion den emprendemento, intercambio di conocimiento y formacion di capacidad di innovacion entre e tres islanan.

Un Demo Day final ta programa na tur tres Hub durante vacacion di verano 2026, ora equiponan di Aruba, Corsou y Sint Maarten lo apresenta resultado y comparti experiencia.

E programa ta busca fortifica resiliencia economico di e islanan, desarrolla capacidad local y fortifica sector di innovacion mientras cu profundiza colaboracion den Reino di Hulanda.

CITA DI E LIDERNAN

“Nos ta emociona pa cuminza desaroya un curriculum multidisciplinario di emprendemento—un cu ta inspira studiantenan pa crea y innova, basa riba contexto local di Aruba. Cu e iniciativa aki, nos ke fortifica y contribui na e ecosistema di emprendemento na Aruba y crea un plataforma pa studiantenan por explora, experimenta y hinca nan ideanan na bida, den y afo di salon.” - Sue-Ann Lee, Rector di Universidad di Aruba a bisa.

“Ora nos ta busca pa habri nos mes pa esaki cu yama Orange Economy, of e industria creativo, Universidad di St. Martin ta reconoci cu solamente via colaboracion cu nos partnernan den Reino nos por crea un ecosistema duradero pa nos emprendadornan local. E a bira cla cu universidadnan ta central pa tur proyecto cu ta duna push na innovacion y desarrollo socioeconomico di nos islanan.” - Antonio Carmona Baez, Presidente di University of St. Martin y Profesor di Relaciones Internacional y Desarrollo.

“Nos lo uza e donacion aki pa stimula studiantenan pa explora iniciativa den area di desarrollo sostenible y tecnologia, y pa descubri nan talento pa negocio.” – Stella van Rijn, Rector Magnificus na University of Curaçao.

“E colaboracion aki ta trata di forma un futuro comparti,” a bisa Michael Dooijes, fundador di StartAruba y lider estrategico di Kingdom Startup Program (KSP). “Door cu nos ta conecta e tres universidadnan, emprendadornan (aspirante) y ta fortalece ecosistemanan, nos ta bira e parte Caribeno di Reino un plataforma di lansamento pa innovacion cu ta nace local pero ta conect globalmente.”

SIGUIENTE PASONAN

Universidadnan y nan partnernan lo finalisa e estructura di e programa na inicio 2026, cu rekutamento di equiponan di studiantenan y mentor cu lo cuminza den semestre di primavera. Un evento publico y un campana visual lo sigui pa mustra universidadnan participante, partnernan y oportunidat pa colaboracion. Mantene bo sintonia – Mas detaye tokante edicion verano 2026, oportunidadnan di partner y e prome cohortnan di studiantenan lo wordo anuncia pronto. Temponan emocionante ta bin pa e proxima generacion di innovadornan Caribeno-Hulandes.