Dowers: Maneho di sterilisa cacho y pone bek riba caya ta contra ley!

ORANJESTAD – E maneho di sterilisa cacho y pone bek riba caya ta contra ley. Y como tal, mester bin un maneho nobo, mirando cu e maneho actual no ta sostenibel. Asina minister Den un combersacion cu minister Arthur Dowers, responsabel pa e asunto di cacho di caya tambe, e la trata e tema di sterilisacion di cacho y e miedo cu hende tin pa pone cacho drumi. Segun e mandatario, e intencion ta (tambe) pa haci hende conciente cu tin cachonan (di caya) cu lo mester wordo poni drumi, pasobra no tin perspectiva pa nan. 

MANEHO DI STERILISA CACHO NO TA BON

En todo caso e maneho cu ta wordo hiba aworaki pa sterilisa cacho, cu ta riba caya, no solamente e ta un maneho cu no ta sostenibel, pero e ta hasta empugna cu e mesun ley cu gobierno a traha. “Pues gobierno mes ta facilita pa sterilisa cacho, y buta bek riba caya. E ta eigenlijk incomprendibel, pero ya, esaki ta e practica na e momento aki nan y esey lo mester bay cambia. E hendenan mester compronde cu esey ta e realidad. Mi ta compronde cu hende ta bisa cu bo no mester pone ningun cacho drumi. Tin cacho cu zoiezo nan condicion ta malo, nan ta un risico grandi y nan ta sufri, y bo mester hacie” Dowers a sigui bisa. Claro cu si tin hende cu kier hiba e cacho ey cas, e por logicamente, pero segun e mandatario, bo no por exigi di gobierno y full un pais, cu nan mester tolera pasobra cu abo tin un cierto pensamento riba con ta atende cu cacho, cu (pesey) mester sterilisa nan y pone nan riba caya. “Dat kan niet!” e mandatario a finalisa bisando. Scucha e segmento di e entrevista AKI.