Cunukeronan rabia cu cachonan di caya ta masacra nan cria di bestia, kier pa bin cu impuesto pa cacho

ORANJESTAD – Situacion di cachonan di caya a bay for di man na Aruba. Asina minister di husticia Arthur Dowers, responsible pa atende cu e problema, a confirma pa noticiacla e siman aki. “E la bay for di man” e mandatario a cuminsa bisa. “Lamentablemente, mescos cu hopi otro cos, (e situacion:red) a bay for di man” e mandatario a reitera. Un prueba di esaki ta durante un reunion siman pasa cu e cunukeronan local, cu a protesta riba e tema y a pidi pa bin cu impuesto pa cacho. Esaki pasobra cachonan ta cabando cu nan ganadero. Esaki pasobra segun e cunukeronan tambe, ‘cos a bay for di man’. 

BO TA MIRE

Segun e minister, ta un tragedia pa mira ora cu hende ta tin cria di bestia, sea pa hobby of commercial, cu cachonan di caya ta bin y masacra e ganadero di e cunukeronan. “E tin nos atencion, y a pidi pa haci un analisis riba e posibilidadnan legal cu tin aworaki caba y basa riba esey nos lo tambe tuma paso den e periodo nos dilanti pa atende cu esaki” e mandatario a bisa.