Corte a prohibi 15 comisario di companianan di utilidad pa ehecuta sentencia anterior

ORANJESTAD – Den un sentencia di 15 pagina, Corte a dicta diaranson cu e ta prohibi ex comisarionan di varios companianan di utilidad, pa ehecuta e sentencia anterior, unda cu e.o e comisarionan lo por a sigui cobra y eherce nan trabou. Ora cu e comisarionan a gana nan caso algun siman atras, e companianan WEB, ELMAR,. AWSS, AUA RENEWABLE ENERGIE y UTILITIES a cuminsa un otro caso pa stop e comisarionan di ehecuta e sentencia. Y nan a logra e biaha aki. 

E CASO

E caso tabata entre e 5 companianan y e 15 ex comisarionan unda cu na juli di e aña aki, e 15 comisarionan a haya nan retiro. E comisarionan a hiba e companianan corte y na October a gana nan caso. Algun dia despues, sinembargo, e companian a bolbe yama e comisarionan y a participa cu nan ta wordo suspendi y retira ‘atrobe’. E biaha aki si a bin cu motivacion cu corte por a ‘biba cune’. Y den un splicacion amplio, corte ta splica su motivacion y a dicta awe den su veredicto, cu e sentencia di October 10, 2025, no por wordo ehecuta. Por lesa e sentencia completo AKI.