Aruba Culinary Team ta trece 4 medaya cas di Taste of the Caribbean 2025

ORANJESTAD - Despues di 20 aña sin participa, Aruba a forma un team culinario pa competi na Taste of the Caribbean 2025. Despues cu AHATA a forma Team Aruba cu 4 talento local, bao guia di Chef Urvin Croes nan a prepara, practica y a logra un espirito nacional pa representa nos isla den region.  E competencia intenso a tuma lugar na Barbados, unda cada miembro di ekipo Aruba a resalta cu nan creatividad y conocemento.  

 Aruba a gana 4 premio: Medaya Zilver pa Senior Chef Aldwin Donata - Executive Chef di Holiday Inn pa su plato “Dushi Aruba” , Medaya Zilver pa Junior Chef, Dylan Cardona - Studiante na Colegio EPI pa su plato “Caribe Uni”, Medaya Zilver pa Pastry Chef Diego Palacios - Executive Pastry Chef di Aruba Marriott pa su plato “Zjeito di Cunucu, y Medaya Brons pa Team Nacional. Alabes, Nelson Molina, Bartender di Renaissance Wind Creek Resort, a ricibi reconocemento pa su creacionnan “Kododo” y “E Shoco”. 

AHATA ta masha orguyoso di e curashi, perseverancia y talento cu e ekipo di Aruba a presenta riba un escenario internacional.