Trahadonan di RIU a bay den accion pa sostene trahado suspendi

ORANJESTAD - Awe Dialuna  a habri cu un accion di protesta na Riu Palace. Un shopsteward a wordo suspendi pa motibo cu el a haci su trabou como shopsteward. Segun sindicato FTA, e  trahadornan ta cansa pa tur loke ta e trato di gerencia, y e suspension di e shopsteward a provoca un accion. Sinembargo RIU a para den porta cu security guard pa stroba e trahadornan di protesta pa apoya e shopsteward suspendi. ": Un biaha mas nos por constata cu e trahadornan ta wordo menaza pa nan no bai den accion. Practicamente por papia cu hopi trahador cu kier a participa den e accion a wordo stroba" e sindicato ta bisa riba nan pagina di FACEBOOK. " FTA ta manda un advertencia pa e dunador di trabou cu e tin cu siña respeta e derecho sagrado di e trahador pa ta afilia na un sSindicato y cu e tin su representacion den un shopsteward". Y e advertencia aki no ta pa e dunador di trabou Riu Palace solamente, sino cu e ta pa tur dunador di trabou cu ta falta respet pa su trahadornan." E situacion aki lo por escala, pasobra ni FTA ni e trahadornan no ta dispuesto pa soporta ni un falta di respet mas" e presidente di e sindicato, Hubert Dirksz a finalisa bisando.