Corsou ta scirbi historia y clasifica pa mundial di futbol 2026!

KINGSTON – Corsou  a logra pa prome bez den su historia pa clasifica   pa Copa Mundial di Futbol 2026. Un empate di 0-0 contra Jamaica a bira basta pa bira ganado di grupo. Cu rond di 155.000 habitante, Corsou ta bira e pais mas chikito den historia cu a clasifica pa un Copa Mundial. E record tabata pa Islandia cu rond 400.000 bistanan cu a participa na 2018.

Den un duelo directo pa un ticket pa e copa mundial, e dos teamnan tabata nervioso den Kingston. Pero Corsou no a laga espacio y a crea chancenan aki y aya, inclui via e hungador bieu di PSV Jurgen Locadia.

Despues di mitar tempo, Jamaica a subi presion y a crea peligro dilanti di e arca di Eloy Room. E arkero a ricibi yudansa di e palo varios biaha. Na banda di Corsou,un gol a wordo anula pa offside.

NERVIO FINAL

Den e ultimo momentonan di e duelo, e palo a stroba Jamaica un bez mas. Poco despues, Jonathan Russell di Jamaica a ricibi carchi cora. Esaki no a trece mas paz pa Corsou. Den tempo di lesion, Jamaica a pensa cu por celebra ora cu e arbitro a canta penalty. Pero e VAR a para esaki. Despues di casi di diestres minun extra di tension, Corsou por a celebra finalmente.