Awe Corsou ta bay busca su clasificacion pa Mundial

KINGSTON.- Un soño ku binti aña pasá tabata zona komo imposibel, awe por bira un realidat bunita pa pueblo di Kòrsou. Awe 9or di anochi ora lokal di Kòrsou, selekshon di Kòrsou tin un sita ku destino. Esaki ora nan buska nan klasifikashon pa Mundial pa promé biaha, ora nan topa ku Jamaica.

Selekshon di Kòrsou a konosé kosnan bon. For di gana Kopa Karibe i klasifiká pa Gold Cup pa promé biaha. Miéntras tabatin tambe kosnan difísil tambe manera e morto trágiko di e gran kiper di selekshon Jarzinho Pieter. Tur esaki a uni e selekshon i a yuda pa nan bira un gran famia. Awe ta e último paso pa e famia aki su soño grandi di yega Mundial, bira un bunita realidat pa nan i pueblo di Kòrsou.

Awe Dean Gorré i Cor Pot ku lo ta den kontakto ku Dick Advocaat, lo tin un selekshon ku tur hungadó disponibel.

Awe lo no por spera masha kambio den e aliniashon di Kòrsou, pero Jürgen Locadia lo por ta titular. Esaki mirando ku Kastaneer ta poko leshoná, i no ta garantisá pa sali hunga awe. Locadia tabatin un bon aktuashon kontra Jamaica luna pasá den stadion Ergilio Hato. NOTA: Texto ta scirbi den papiamento fonetico di Corsou.