Entrenador di seleccion di Corsou Advocaat lo no tey pa wega crucial contra Jamaica

KINGSTON - E seleccion nashonal di futbol di Corsou, lo tinc hunga e partido desicivo pa cualificacion contra Jamaica sin Dick Advocaat riba banki. E‘bondscoach’ a biaha pa Hulanda diadomingo pa motibunan urgente di famia.

EXITO

E seleccion, bou di guia di e ‘bondscoach’ Advocaat, ta na un paso pa cualifica pa Mundial. Un empate diamars anochi na Kingston mes lo ta suficiente pa e logro grandi aki. Advocaat lo tin cu sigui e partido importante aki riba distansia. E ‘coaching’ na Jamaica lo keda den man di e entrenadonan asistente Dean Gorré yCor Pot.

E staf tecnico lo keda den kontacto estrecho cu Advocaat, cu diasabra merdia a informa tanto e staf como e hungadonan di  su desicion pa bolbe pa Hulanda. “E ta un desishon sumamente dificil pa laga e mucha hombernan aki atras,” Advocaat a declara. “Cu dolo na mi curason mi a mester tuma e desicion aki, pero famia ta mas importante cu futbol. For di Hulanda lo mi keda den contakto extenso cu e staf tecnico y mi tin confiansa completu den mi grupo di hungadonan.”

E capitan Leandro Bacuna tambe a papia cu e ekipo ora ku Advocaat a haci su desicion conoci y a declara lo siguiente; “Laga esaki bira un stimulacion extra pa nos tur. Awor ta ora pa nos demostra cu nos ta un famia! Nos lo no hunga solamente pa nos mes of pa nos isla, pero awor nos lo hunga pa nos ‘coach’ tambe!”