Parlamento ta trata candidatura di Angel Bermudez como minister diabierna awor

ORANJESTAD – Parlamento ta trata (den comision central) e postulacion di sr Angel Bermudez como proximo minister di Finanza diabierna mainta awor, pa despues trata esaki den un reunion publico dialuna proximo. Gobernador mientrastanto a firma e retiro di Juan David Yrausquin diaranson 23 di july 2014, y a haya e peticion di gobierno (click aki pa haya e respectivo cartanan) pa postula sr Bermudez como su reemplazo. Segun gobierno, sr Bermudez ya caba a pasa e proceso di screening via VDA, Belastingsdienst y Ministerio Publico y a pasa esaki sin problema. Na su turno, gobernador di Aruba a pidi parlamento pa dun’e su comentario riba e candidadura, cual lo wordo trata diabierna mainta awo. Ta premira cu comienso di otro siman, posiblemente dialuna of diamars, Aruba lo conoce su proximo minister nobo di gabinete Mike Eman II, den persona di Sr Angel Bermudez. Diaranson ultimo, Bermudez a confirma na NoticiaCla cu e la dicidi di acepta e reto y lo asumi e posicion unabes e proceso keda cla.