E portavion mas grandi di mundo cu 4 mil militar, ta cla pa actua den Caribe!

MIAMI - E   portaavion mas grandi di mundo, USS Gerald R. Ford, a yega den Caribe manera Noticiacla a raporta diaranson. Awor cu e barco di guerra ta den lama banda di Venezuela, e ehercito mericano tin e forsa militar mas grandi cla pa actua den e area den mas di trinta aña.

E yegada di portaavion USS Gerald R. Ford a wordo anuncia tres siman pasa. Un bosero di Pentagon a bisa ayera cu e barco, cu 4000 miembro di tripulante abordo, a yega den Caribe. No a duna informacion tokante unda exactamente e barco ta naviga.

E ultimo biaha cu tabatin tanto soldado mericano den Latinoamerica tabata den 1989, segun medio internacional, ora e ehercito mericano a drenta Panama pa hiba afor di poder e dictador Manuel Noriega.

Corresponsal Erik Mouthaan a bai luna pasa pa e isla Trinidad, banda di costa di Venezuela. A haya cu tin hopi preocupacion den e region tokante presencia mericana.