Hulanda awor cu conseho mas estricto pa Reino contra biahamento pa Venezuela

DEN HAAG – Ministerio di Asuntonan di Hulanda ta conseha habitantenan di Reino di Hulanda pa no biaha pa Venezuela. E advertencia a wordo pone mas stricto diamars pa motibo di e situacion cu ta keda tenso y impredecibel den e pais vesino y den e laman Caribe cerca di costa Venezolano.

Segun e comunicado di Asuntonan di Hulanda, stranhero, incluyendo Hulandesnan, ta corre un riesgo mas halto den caso di incidente, por ehempel durante detencionnan. Segun e ministerio, embahada di Hulanda na Venezuela tin solamente posibilidad limita pa duna yudansa na persona cu ta wordo deteni pa e autoridadnan local.