Conocido comediante yiu di Corsou Jandino ta emigra bek pa su isla

DEN HAAG - E management di e conocido comediante yiu di Corsou Jandino Asporaat a anuncia awe den un comunicado di prensa cu e comediante y empresario ta emigra cu su famia pa Corsou. E regreso su na Caribe no ta un despedida di Hulanda, sino un acto di amor: pa inverti den e hende, e cultura y e futuro di e islanan. “Esaki no ta un salida, sino un ampliacion,” segun Jandino. E lo sigui haci shownan y presentacionnan na Hulanda, pero tambe kier construi oportunidadnan nobo y conexion den region Caribe.

Un di su proyecto mas importante ta Hòfi Mango, un parke natural di 30 hectárea cu palo di mango di siglo y e unico molina di sucu historico den Caribe. E ta compromete tambe cu educacion y talento hoben, cu iniciativa manera Business School pa Muchanan y One Stop Desk, cu ta duna apoyo practico na muchanan di e islanan cu kier bolbe, y na habitantenan y empresarionan local. “E futuro di e islanan ta den nos hobenan,” segun Jandino. “Nos kier duna nan e hermentnan pa construí nan mes futuro y esey di e comunidad.”