Homber a tira otro den pia na San Nicolas

SAN NICOLAS – Den fin di siman tabatin no menos cu tres caso envolviendo arma di candela. Un caso di drive by shooting na un club nocturno, y otro unda cu un maestro a wordo haya cu un arma. E ultimo ta di diadomingo anochi, ora cu net prome cu mei anochi, un persona a tira un otro persona den su pia, na Village na Caya Nevis, San Nicolas. Segun rapport di polis, e persona victima, a nota presencia di e persona cu e conoce, y a cuminsa core pa evita problema. Den careda, e persona a yega su cura di cas, pero asina mes e sospechoso a los un tiro di bala cu a alcansa e victima den su pia. Segun version di e victima, inicial AW, el a reconoce e sospechoso cu supuestamente ta JW. Den pasado nan tabatin y ainda tin problema cu otro pa algo di pasado, tambe cu arma. Ambulance a transporta e victima cu urgencia pa hospital pa tratamento, y a cuminsa e investigacion na e sitio mes.