Nos a drenta temporada ‘peak’ di horcan awor

MIAMI – E temporada ‘peak’ di horcan a inicia cu yegada di e luna di augustus. Mescos cu cada evento tin su peak, manera esun di baseball, cu ta na september, esun di horcan ta na augustus. Comparando e cu weganan di baseball, tur e 162 weganan di e temporada ta conta den e temporada di 6 luna. Pero, september ta e cos. Mescos cu e temporada di horcan, cu tambe ta 6 luna, e tres lunanan augustus, september y october ta esnan mas pio. 

TORMENTANAN CABA

No ta kita afor cu e prome dos lunanan di e temporada por tin su actividad. Tabatin 3 tormenta caba cu nomber, Ana (mei), Bill (juni) y Claudette (juli). Di nan tur, Bill tabata esun cu mas daño a haci, na Merca.

PAKICO

E motibo di e ‘peak’ ta pasobra 93% di e horcannan, ta sosode entre augustus cu october. Tur 10 horcan cu mas daño a haci, tabata den e mesun periodo. Sandy (october 2012), Irene (augustus 2011), Ike (september 2008), Katrina (augustus 2005).

CONDICIONAN ATMOSFERICO

Loke ta hacie mas activo, ta cu e condicionnan atmosferico ta mas faborabel riba e parti grandi di e parti Atlantico, durante e temporada aki. Y tin varios factor cu ta pone cu e ta converti e temporada aki den un ‘peak’. Entre nan e prome disturbio, conoci como ‘olanan tropical di este’, cu ta sali for di costa di Africa, bon forma, mas vigoroso. Nan ta responsabel pa e gran mayoria di tur horcan den e parti Atlantico. Y finalmente, e temperatura di laman, ta parse di ta mas cayente den september, ora cu nan a pasa henter ‘zomer’ ta keinta y absorba e energia solar pa e periodo ey.