Corte mericano: Venezuela a confisca petrolio di CITGO destina pa Aruba

MIAMI – Corte na Merca a otorga e compania CITGO Petroleum 54.2 miyon dollar plus interes, debi cu nan a perde placa ora cu gobierno di Venezuela a confisca un cargamento di petrolio cu tabata na caminda pa Aruba, na 2020.  CITGO Petroleum a cumpra casi un miyon barril di petroleo crudo di un subsidiario di PDVSA (e compania estatal di Venezuela) pa transporta pa Aruba. Durante e crisis politico di Venezuela, Nicolas Maduro tabata na poder de facto, mientras cu Juan Guaido tabata reconoci oficialmente como presidente interino pa Merca y Asamblea Nacional di Venezuela. Despues di sancionnan nobo di Merca y reconocimiento di Guaido, e regimen di Maduro a endurece su control, usando violencia y represion. En januari 2019, e cargamento di CITGO tabata riba e barco M/T Gerd Knutsen den awa venezolano, pero e autoridadnan controla pa Maduro no a laga e barco sali, alegando disputa di pago. Den februari 2020, forza militar di Venezuela a obliga e barco bira puerto y a confisca e carga.

E POLISA DI SEGURO Y E DISPUTA

CITGO tabata sigura bou di un polisa di marine cargo reinsurance cu e clausula “Institute War Clauses (Cargo)”, cu ta cubri “perdida causa pa confiscacion… surgi for di un insurreccion.” CITGO a reclama cu e perdida tabata cubri, pero e reaseguradornan (reinsurers) a nenga paga, insistiendo cu:

- e situacion no tabata un “insurreccion”; y

- no tabatin un “causa suficiente” entre e desordennan politico y e perdida.

DECISION DI E CORTE DISTRITAL

- E corte di prome instancia a duna summary judgment na CITGO riba e definicion di “insurreccion”;

- Un hurado despues a dicta fayo na fabor di CITGO riba causalidad y daño.

Decision di e Second Circuit

E Corte di Apelacion a confirma e fayo di e corte inferior.