Huez lo dicidi e luna aki si un cacho crioyo ta bolbe Aruba of keda Merca

ATTLEBORO – E caso di corte na Merca di ken ta keda cu e cacho crioyo arubano, ta den man di un huez. Diabierna ultimo e tratamento di e caso a culmina y awor ta den man di un huez di e districto di corte di Attleboro. E doñonan arubiano ta bringando un pareha mericano pa custodia di e cacho “Coco” of “Whitey”, e dos nombernan cu e cacho tin awor. Huez tin cu dicidi e luna aki, si e cacho ta keda Merca of ta bolbe Aruba.

DISPUTA

Dan y Lisa O’Connel di North Attleboro ta sigura cu nan a rescata e cacho di rasa mixto, Coco, for di riba un beach na Aruba. Nan tabata di vacacion na Aruba e tempo ey, y lo a nota e mal estado di e cacho y a hibe Merca cu nan. A resulta despues cu e cacho lo tabatin doño. Cornelia Hajdinyak y Howard Tromb, na Aruba ta demandando pa haya Coco bek. Segun nan, e cacho ta di nan, y cu e cacho a simplemente ‘perde’ e tempo ey. E caso a haya atencion internacional y sigur na Merca riba canalnan di television y den corant y rednan social.