- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Ex-vicepresidente Mericano Dick Cheney (84) a fayece
WASHINGTON - E ex-vicepresidente Mericano Dick Cheney a fayece, segun e familia su comunicado. E tabatin 84 aña.
Cheney tabata vicepresidente entre 2001 y 2009 bou di presidente George W. Bush, y e ta conoci como e hende cu mas poder ta tin den e posision aki. E a logra tene hopi influencia gracias na su conocimiento di e sistema politico Mericano y un fe firme den su propio criterio.
Den su juventud no tabatin nada cu ta indica cu Cheney lo bira un figura historico. Dos bez e a faya su examen na universidad Yale, e a wordo deteni pa conducei bou di influencia, y e tabata gana su bida trahando cu cablenan electrico.
Despues di un sermon fuerte di su muher Lynne, tur cos a cambia. E a cuminza traha na Washington, caminda e a drenta den servicio di Donald Rumsfeld. E dos a keda amigo pa su bida henter y regularmente a sigui subiendo na nan carrera hunto.
Doño di Tesla, Elon Musk por gana un bonus di 1 biyon dollar
TEXAS - E accionistanan di Tesla a aproba un gran pakete di bonus pa e hefe Elon Musk. Si Musk logra cu balor bursatil di su compania yega 8.5 biyon dollar den e proximo dies aña, e lo ricibi accionnan cu tin un balor di 1 biyon dollar, o sea 1000 miyon dollar.
Horcan Melissa mas destructivo pa motibo di cambio climatico
MIAMI - Horcan Melissa, cu a pasa riba Caribe siman pasa, a resulta mas destructivo como consecuencia di cambio climatico causa pa e hende mes. Esaki ta sali for di un analisis rapido di cientificonan internacional di e grupo World Weather Attribution (WWA), unda tambe e KNMI ta forma parti. Melissa a causa daño grandi na Jamaica, Haiti, Republica Dominicana y Cuba. Por lo menos 75 persona a perde nan bida. E daño na casnan y infrastructura ta subi na miyonnan di euro. World Weather Attribution a calcula kico ta e influencia cu cambio climatico a tin riba e horcan. Segun e analisis, cambio climatico a causa cu e biento tabata 7 porciento mas rapido cu normal, y e cantidad di awa cu a cay tabata 16 porciento mas hopi.
Merca cera: Record shutdown ta pone mas presion riba cuidadanonan vulnerabel
WASHINGTON – Nunca antes Merca a keda asina largo den un shutdown manera awor. Ta 37 dia caba cu Democraatnan y Republicanonan den Congreso no por yega na un acuerdo riba un presupuesto nobo. Empleadonan publico no ta ricibi salario, ta tin retraso na aeropuerto y 42 miyon americanonan tin menos placa pa compra comestible. Prijs di seguro medico ta subi te na dak.
Merca ta limita trafico aereo na 40 aeropuerto grandi di Merca pa motibo di shutdown
NEW YORK - E trafico aereo na cuarenta aeropuerto grandi na Merca lo tin cu wordo limita pa motibo di e shutdown den Merca. Minister di Transporte Sean Duffy a duna instruccion pa reduci e cantidad di buelo for di diabierna cu 10 porciento.
Candidato socialista Mamdani ta gana eleccion pa alcalde di New York
NEW YORK - E social-democrata Zohran Mamdani a sali gana e funcion di alcalde di New York. Medionan di Merca a informa esaki basa riba e voto cu ya a wordo conta. Te awor Mamdani a logra 50.3 porciento di e voto. E politico di 34 aña a competi contra e candidato Republican Curtis Sliwa y e candidato independiente y ex-gobernador di estado di New York, Andrew Cuomo. Desde prome tabata cla cu Sliwa no tabata tin chens den New York democratico Cuomo a risibi sosten di presidente Trump, pero esaki no tabata mira como algo util den e ciudad blauw di New York.
Royal Caribbean a prohibi un articulo di bisti pa cruceronan pa islanan den Caribe
MIAMI - Pasaheronan di Royal Caribbean mester ta consiente di regla den Caribe, pasobra un articulo di bisti ta prohibi. Mester bisa mesora cu Aruba no ta aparece riba e lista ey, pero si, riba un otro lista general. No ta conoci si Aruba tambe ta prohibi esaki specificamente. Pues toch, mester tene cuenta cu cierto cosnan ora cu biaha pa Aruba. Tur esaki segun un articulo riba e portal internacional MSN.com. Segun e raportahe, pasaheronan di e crucero mester ta cuidao cu loke nan ta pone den maleta, pasobra tin un articulo especifico cu no por wordo usa. E linea di crucero ta biaha pa varios pais y territorio caribeno, cada un cu su propio regla di bisti. Aunke hopi pasahero por pensa cu ley di Merca ta sigui aplica riba e barco, ta importante pa familiarisa cu e leynan di e destinacionnan di viaje. Un articulo di bisti aparentemente inocente ta prohibi den algun nacion caribeno, por eso e mihor ta laga e na cas. E prohibicion aki ta aplica den Antigua, Barbados, Grenada, Jamaica, St. Lucia y Trinidad y Tobago. Pues no Aruba. Kibrando e regla aki, sea den un pais of riba e barco, por causa multa of den caso extremo, hasta prision.
Follow NoticiaCla
