Coolen: Aruba su chens contra St Vincent ta 50-50

ZWOLLE - E entrenador nobo di seleccion di futbol di pais Aruba ta duna e ekipo 50-50 chens di gana e proximo partidonan su dilanti contra St Vincent & The Grenadines. “Si nos clasifica pa e proximo ronda, nos ta sigui papia” Rini Coolen a declara na prensa hulandes den fin di siman. Arubaanse Voetbal Bond a contrata e hulandes, -ex entrenador di FC Twente y actual hefe di e seccion hubenil di enseñansa di futbol hulandes-, pa guia e seleccion di Aruba proximamente. Su trabou sinembargo, ta pa apenas dos wega.

CONTRACTO DI COOLEN

E contracto ta pa Coolen ta pa e ta entrenado pa dos wega solamente. Djey e ta bolbe Hulanda. “E weganan ta dia 4 y 8 di september. Despues mi ta bolbe PEC (su trabou regular). Mi buelo di regreso ta geboekt caba” Coolen a sigura tur hende. Esaki pa no kere cu e ta bay keda e entrenador pa un periodo largo. Contrario na e suma grandi cu Corsou a paga pa su entrenado (ta varia entre 400 pa 500 mil florin segun informacionnan ricibi) Patrick Kluivert pa coach Corsou, AVB no a bisa cuanto e ta paga Coolen pa e ta coach pa ‘apenas’ e dos weganan aki.

CHENS PA GANA

Ta via e relacion di trabou entre PEC y AVB, nan a yega na e coach ‘nobo’ Coolen. E entrenador a bisa di tin e gana , pa yuda Aruba yega na e di 4 buelta. Nunca antes nan a yega lew asina den un pre clasificacion pa mundial. E sa si cu ta bay ta dos wega hopi dificil, y pesey e chens di 50-50.