Heera Dijk (D66) ta drenta Tweede Kamer cu e resultado di eleccion di ayera

DEN HAAG – Cu e resultado di eleccion di ayera di Tweede Kamer na Hulanda, e candidata Heera Dijk ta drenta como un di e representantenan di e partido D66. Manera cu a bira conoci recientemente durante un entrevista cu Noticiacla LIVE, Dijk tabata candidato  number 18 riba e lista. Y cu por lo menos 25 asiento garantisa, su entrada tambe ta un hecho. Awe, Dijk a duna su prome reaccion despues di a conoce e resultado. 

REACCION

“Prome cu e eleccion bo ta sinti nervioso naturalmente. E tendencia tabata parece hopi bon, pero hopi biaha bo kier spera te ora e resultado real ta yega”, Dijk a cuminsa bisa. “ Pa mi personalmente tabata algo especialmente importante, pasobra mi tabata mester haci esaki sin mi mama. E la fayece repentinamente durante zomer pasa, y mi sa cu e tabata hopi orgulloso cu mi tabata candidato pa Tweede Kamer. Nos tabata planifica pa hasi e campaña hunto, y pesey e situacion awor tin un sabor dushi y amargo mesun momento”. Dijk tabata contento cu e no tabata su so. “Pero mi ta contento cu mi ruman tabata hunto cu mi — e tambe ta miembro di D66 y tabata super orgulloso di mi. E resto di mi famia tambe ta sigui mi cu entusiasmo: for di Corsou te Aruba y mesun Surinam. Dolor y energia positivo por existi hunto; esaki mi a sinti anochi. Nos lider di partido, Rob Jetten, a dirige un campañia fantastico y positivo”.  Y finalmente su mensahe tabata esaki : “ Mi ta hopi orgulloso di a forma parti di esaki. Ayerano tabata tin tanto energia y liberacion den e ambiente — un sentimiento claro di: “si ta posibel.” Cu colaboracion di Rene Zwart,