Encuentro personal entre Xi y Trump: disputa comercial pospone pa un aña mas

WASHINGTON - Despues di seis aña e presidente Chino Xi y su homologo Mericano Trump a topa personalmente atrobe. E combersacion aki a trese manera resultado cu algun tema delicado riba area comercial lo wordo evita pa e proximo aña. E dos lider a topa na Zuid-Korea durante e simposio di APEC. E lista di topiconan tabata largo: for di discusionnan comercial y impuesto te na conflicto mundial. Segun loque e dos partido a informa, tin progreso significante na algun punto sensitivo. O por lo menos: nan a dicidi pone e resolucion di e tema aki den frigidaire pa un aña mas.

TARIFA DI IMPORTACION BAHA

Merca lo baha e tarifa di importacion cu ta aplica pa China for di 57 porciento bai 47 porciento. E impuesto castigu cu tabata impone pasobra China supuestamente no ta haci basta pa para e exportacion di fentanyl a wordo baha for di 20 porciento bai 10 porciento. Medidanan reciproco contra sector di construccion di barco di cada pais a wordo pospone pa un aña mas, igual manera cu implementacion Mericano di e regla conoci manera “regla di 50 porciento”.