Exitpoll: Partido D66 ta gana, PVV ta perde y Timmermans ta retira como lider di Pvda/GL

DEN HAAG - Segun e exitpoll di Ipsos I&O pa e eleccion di Tweede Kamer, D66 ta keda apenas na cabez den e eleccion pa Tweede Kamer cu 27 asiento. PVV ta sigui na su wal cu 25 asiento te awor, sigui pa VVD cu 23 asiento. Tin un margenan di eror di hasta dos asiento, asina cu ta ainda temprano pa saca conclusion definitivo.

E centro di votacionnan a cera 21:00 or, y e conteo di voto a cuminza. E resultado preliminar lo wordo spera mas laat anochi.

E exitpoll ta un indicacion di e resultado di e eleccion, basa riba un encuesta di Ipsos I&O pa orden di NOS y RTL, realiza den 65 centro di votacion na tur parti di Hulanda. Segun e poll aki, NSC ta na 0 asiento pa awor. CDA ta parece ta logra un gran salto: di 5 asiento dos aña pasa pa mas o menos 19 asiento awor. GroenLinks-PvdA ta sali temporalmente cu 20 asiento, cinco menos cu den e eleccion anterior.

Otro ganadornan parece ta JA21 (di 1 pa 9 asiento) y FVD (di 3 pa 6 asiento). 50Plus tambe por drenta den e Kamer cu 2 asiento. 

TIMMERMANS 

Mientrastanto lider di partido Groenlinks/PvdA Frans Timmermans a anuncia su retiro como lider ya cu e no a logra convence su votadornan pa haci e partido mas grandi.