Colombia a exporta 53,3 miyon kilo di producto pa e.o. Aruba den prome semester di 2025

BOGOTA - Den prome semestre di 2025, Colombia a exporta 53,3 miyon kilo di cereal, leguminosanan y soya pa destinacionnan manera Merca, Chile, España, Venezuela y Aruba, segun e mas reciente reporte di Federacion Nacional di Cultivadornan di Cereal, Leguminosanan y Soya (Fenalce). E balanse, cu ta cubri e periodo di januari te juni, ta revela cu ainda cu e volumenan ta chikito, e pais ta cuminsando consolida oportunidadnan den exportacion di granonan y nan derivadonan. Di e total exporta, 38,1 miyon kilo a corresponde na cereal, 504.427 kilo na leguminosanan y 14,7 miyon kilo na soya.  

E producto principal den e canasta aki tabata harina di maishi, cu 30,8 miyon kilo, equivalente na 57,8% di e total exporta. E producto aki tabatin como destinacion principal Chile, Peru, Merca y Ecuador, y a wordo manda principalmente for di e puerto di Cartagena, Buenaventura, Barranquilla y Ipiales. Den e segmento di cereal, ademas di e harina di maishi, a registra exportacion di malta sin tosta pa 6,51 miyon kilo, principalmente pa Ecuador, Cuba y Barbados; extracto di malta, cu 345.770 kilo dirigi na Merca y Aruba; y maishi blanko, cu 301.498 kilo exporta pa Merca, Chile y España.  

Tambe a reporta bentanan di maishi amarillo (118.884 kilo), maishi pira (779 kilo), maishi pa siembra (100 kilo) y avena (222 kilo), ademas di chikito cantidadnan di malta tosta (1.259 kilo) y trigo (125 kilo).