Horcan Melissa a cuminsa suta isla di Jamaica cu forza 'catastrofico'

KINGSTON/HAVANA  (Reuters) – Horcan Melissa tabata tin bientonan constante te 175 mph (282 kph) dia dialuna atardi, ora e tormenta di categoria 5 cu ta move hopi lentamente tabata na caminda pa golpia Jamaica, den loke por bira e mas grandi den record pa e isla Caribeno.

Segun e Centro Nacional di Horcan di Merca (NHC), te na 2 di atardi (1800 GMT), Melissa tabata un tormenta “catastrofico”, e mas fuerte posibel segun e escala Saffir-Simpson. NHC ta spera cu Melissa lo a pasa riba Jamaica laat dialuna of den oranan tempran di diamars, despues crusa e banda este di Cuba e nochi siguiente, y move riba e Bahamas y Turks and Caicos pa dia diahuebs.

E movecion lento di e tormenta riba awa inusualmente calmo den e laman Caribe a contribuy na su tamanyo y forsa grandi, segun pronosticadornan di NHC, cu ta amenasa Jamaica cu dia tras di dia di bientonan catastrofico nunca antes mira, y te tres pia di awa di awacero.

E span di biento di Melissa ta actualmente mas grandi cu e largura di Jamaica, un isla mas o menos di e tamaño di Connecticut, cu su aeropuerto principalnan ta localisa masha cerca di nivel di laman.

Apesar di advertencianan, algun residente a bisa na Reuters cu nan no ke sali di nan cas pa miedonan di robo, y autoridadnan a bisa cu tin autobusnan cla pa hiba mas o menos 28.000 persona cu ta afecta dor di e orden di evacuacion obligatorio.

“No tin infrastructura den e region cu por resisti un categoria 5,” el a bisa.