Presidente di Argentina Milei ta gana eleccion intermedio

BUENOS AIRES – Partido di presidente di Argentina Javier Milei a gana e eleccion intermedio pa parlamento, segun medio local. Na momento, 90 porciento di e voto ta conta y e partido di Milei, La Libertad Avanza, ta logra 40.8 porciento di e voto. E oposicion peronista a logra 24.5 porciento di e voto.

RESULTADONAN PA PARLAMENTO

E eleccion intermedio tabata pa 127 di e 257 asientonan den Cas di Representanten y 24 di e 72 asientonan den Senado. Segun datonan gubernamental, La Libertad Avanza ta subi di 37 pa 64 asientonan den e Cas di Representanten.

UN MOMENTO DI TENSION DEN ARGENTINA

E eleccion tabata considera un prueba crucial pa e reformanan economico radical cu presidente Javier Milei kier implementa. Segun Milei, e gran victoria aki ta un punto di cambio. Argentina a scoge pa “cambia e rumbo di futuro di e nacion sin posibilidad di bolbe atras.” E presidente argentino tambe promete pa implementa mas reformanan economico pa  stabilisa e pais.