Tin indicacion cu turismo di prostitucion a lanta cabes

ORANJESTAD – Tin indicacion cu turismo di prostitucion a lanta cabes. Segun e informacion difundi awe mainta na e emisora hits100FM, ta trata di damanan cu ta bin di afo, y keda den apartamentonan turistico, pero no cu finnan turistico.

BISHITA UN SIMAN

E grupo di persona aki, no ta bin pa tours, ni pa shop of raspa carchi, ‘sino pa produci dollars’. Durante henter dia ta yega decenas di auto cu cabayeronan bon bisti, -algun hasta cu uniform di trabou-, ta bishita e sitio y sali cu un sonrisa riba nan cara. E grupo di dama ta keda pa un siman, y ta wordo reemplaza e siguiente siman pa un otro grupo di damas.

PRETEXTO

Ta autonan di tur tipo ta bishita e sitio cada ora, ta mustra cu ta trata di un segmento ‘nobo’ di turismo unda cu hendenan ta bin cu e ‘pretexto’ di turista y ta bin pa labora den e ‘negoshi mas bieu’ di mundo. E negoshi aki tabata existi den pasado, y ta parse cu awor esaki ta bek, den un bachi mas ‘moderno’ y sofistica.

MALESA CONTAGIOSO

Den noticiero di Hits100FM awe mainta por a tende e noticia aki y tambe unda cu segun comentario di hefe di e departamento di malesa contagioso, cu esaki por ensera riesgonan innecesario pa personanan cu ta acudi na paga pa e servicionan aki ya cu esnan legal di barnan di Aruba ta controla tur siman.