Academia di bon gobernacion a atende tema di prensa y politica cu Noticiacla y 24ora

ORANJESTAD - Recientemente, Partido RAIZ a tene di tres session di Academia di Bon Gobernacion 2025 (ABG) cu tabata enfoca riba e topico di evolucion di prensa y relacion entre prensa y politica. Durante e anochi aki atendi pa 35 participante, dos figura conoci den media Arubiano esta Patrick Paskel y Tito Lacle a comparti nan perspectiva cu e publico atento.

PATRICK PASKEL Y 24ora

Patrick Paskel a cuminsa e sesion cu un presentacion tocante su experencia den 24ora.com, splicando con media moderno ta move lihe den un mundo digital. Segun Paskel, e prensa di awendia ta refleha mas riba e discusion social cu ta existi den comunidad en bes di influencia politica directamente.

TITO LACLE y NOTICIACLA

A continua e anochi cu e presentacion di Tito Lacle cu a mustra un estilo diferente di periodismo, enfatisando e importancia di papia cla y simpel pa un publico diferente. Su manera ta basa riba confiansa y comunicacion directo.

E siguiente sesion di ABG 2025 lo enfoca riba e topico di “Own the Room – Public Speaking” den colaboracion cu ORUA Toastmasters Club. Pueblo di Aruba ta keda invita pa registra y atende e proximo sesionnan di ABG2025 completamente gratis pa asina sigui cu dialogo abierto cu ta uni politica y pueblo.