Cantidad di votadornan na Aruba pa eleccion Tweede Kamer a subi cu mas di 50%

ORANJESTAD - Eleccion di Tweede Kamer lo tuma luga dia 29 di october 2025. Votadonan registra na Aruba por busca nan prueba di voto postal y deposita nan voto directamente na Representacion di Hulanda na Oranjestad te cu dia 29 di october.

AUMENTO DEN E CANTIDAD DI VOTADO REGISTRA

Votadonan por a registra pa vota den eleccion di Tweede Kamer te cu 17 di september 2025. Pa cualifica pa por vota, un persona mester a biba pa por lo menos dies (10) aña na Hulanda, ta emplea pa gobierno Hulandes den servicio local, of ta biba cu un empleado den servicio di gobiernu local   E cantidad di votadonan registra a aumenta compara cu e eleccionnan di Tweede Kamer di 2023: di 538 na 2023 pa 852 votado registra pa e eleccionnan binidero, un aumento di mas cu 58 porciento.

COLECCION DI E PRUEBA DI VOTO I VOTA

Por busca e prueba di voto y vota na Representacion di Hulanda na Oranjestad situa na L.G. Smith Boulevard 44. Esaki ta posibel te cu 28 di october 2025, entre 8:00 AM y 5:00 PM. Riba diaranson 29 october por tuma e prueba di voto y vota entre 7:30 AM y 3:00 PM. Por vota mesora despues di recoge e prueba di voto. Pa tuma e prueba di voto mester mustra un identificacion valido. Un rijbewijs no ta wordo considera un identificacion valido. Tene na cuenta: Votonan postal mester wordo entrega na e briefstembureau pa 3:00 PM ora local riba diaranson 29 di october. Votonan ricibi despues di 3:00 PM of mas lat lo no wordo conta.

SESION PUBLICO

E pre-apertura di e envelopnan y e conteo di votonan lo tuma luga durante un sesion publico. Durante e sesion di pre-apertura, ta habri e envelop di regreso oraño. E prueba di votacion postal y copianan di identificacion y paspoort ta wordo controla pa valides. Na e momento ei no ta conta e votonan ainda. E pre-apertura ta inicia dia 28 di october y lo ta di 10:00 AM pa 4:00 PM, y e conteo di e votonan ta inicia dia 29 di october pa 10:00 AM. Ta pone e datonan disponibel pa publico ora termina cu e conteo oficial. 

ACCESIBILIDAD 

E briefstembureau ta accesibel pa esnan cu dificultad cu accesibilidad. Di e manera aki tur hende por forma parti di e proceso di voto sin ningun impedimento.