NHC: Hopi awacero y biento fuerte por pasa riba parti di islanan ABC

MIAMI – National Hurricane Center (NHC) cu ta vigila e situacion di horcan den region, den su boletin di 2’or dialuna, ta menciona islanan ABC specifico den e notificacion riba e ola tropical cu ta yegando nos area. “Data reciente di bientu saca for di satelite ta indica cu e ola tropico localiza riba banda este di Laman Caribe ainda no tin un circulacion cera, pero ta sigui produci un area concentra di awacero y lamper cerca y na banda este di e ax di e ola. Compara cu ayera, observacion na superficie ta sugeri cu e circulacion ta bira poco a poco mas defini, y condicionnan ambiental ta pronostica pa bira un tiki mas favorable pa desaroyo mesora cu e sistema ta baha su movimiento p’alante. Un depresion o tormenta tropico ta probabel pa forma den uno o dos dia mientras cu e ta move drenta Laman Caribe central.

ISLANAN ABC

E boletin ta sigui bisa cu ‘Sin importancia si e ta desaroya o no, hopi awacero y biento fuerte por pasa riba parti di islanan ABC durante e siguiente dia dos. Interesnan den Puerto Rico, Hispaniola, Jamaica y Cuba mester sigui e progreso di e sistema aki pasobra tin un riesgo di hopi awa y inundacion, biento fuerte y ola bruto mas tarde e siman aki. Pa mas informacion tocante e sistema aki, incluyendo menasan di biento fuerte (Gale Warnings), por mira e pronostico pa Laman Halto saca pa National Weather Service’. 

* Probabilidad di formacion den 48 ora...halto...70 porciento.

* Probabilidad di formacion den 7 dia...halto...90 porciento.