SETAR awor cu mas canal HD

ORANJESTAD - SETAR Cable Services cada biaha ta purba pa trece mas variacion y mehora e experiencia di Cable Digital pa tur cliente. Pa e motibo aki tambe SETAR ta contento di anuncia cu clientenan di Cable Digital por cuminsa mira canalnan nobo cu a keda introduci riba e lineup. Entre nan a bin hopi canal High Definition (HD), pa asina por ofrece un mihor experiencia di audio y imagen. Canalnan completamente nobo ta ESPN U, ESPN SEC, FOX Cinema, FOX Comedy, FOX Business News y Lifetime LA.

ESPN U

ESPN U a keda lansa dia 4 di maart 2005 y ta opera 24 ora pa dia transmitiendo mas di 650 evento “live” pa aña. E canal ta ofrece mas cu 1000 show original for di studio, cobertura di atletanan universitario y tambe e ta un canal extra pa transmiti programacion general di ESPN. 

ESPN SEC

ESPN SEC ta un canal hunto cu “Southeastern Conference” (SEC) ta transimiti y cubri mas di 1000 evento deportivo. Ta televisa aproximadamente 45 wega di futbol americano SEC y mas di 100 wega di basketball cabayero, 60 wega di basketball damas, 75 wega di baseball, noticia deportivo y mas di 21 otro disciplina di deporte na e parti sur di Merca (SEC).

Fox Comedy

Fox Comedy ta un marca destina y dedica na comedia y animacion cu ta dirigi na un publico mas hoben. E ta sede di e mihor concesion di comedia Americano cu un seyo di calidad FOX. E ta ofrece un gran variedad di produccion popular manera “New Girl” y “Modern Family”, te cu  “Wilfred” Y “Louie”.

Fox Cinema

Fox Cinema ta ofrece e mihor seleccion di cine di latino america como tambe cine international.

Fox Business News

Fox Business ta un canal di noticia financiero y negoshi dunando informacion en bibo por medio di “breaking news”, “financial & stock market update”, tips financiero y mucho mas cu tin impacto tanto riba “Main Street” y “Wall Street”.

Lifetime LA

Lifetime LA ta forma parti di Lifetime Entertainment Services cu ta conta cu programacion orienta y dirigi na hende muher of unda cu e hende muher tin e rol principal. Canalnan obtenibel awor tambe den HD ta entre otro Disney LA, E! Entertainment, Eurosport 1 & 2 y mucho mas. Sin lubida e canalnan hopi gusta pa nos clientenan NPO 1, NPO 2, NPO 3 (antes NED 1, NED 2, NED 3) cu awor tambe ta obtenibel den HD.  Si acaso cliente tin un DVR of un HD box pero no por wak e canalnan nobo den HD por tuma contacto cu SETAR. Probablemente lo mester cambia e box pasobra e no ta apto pa e formato nobo di HD. Lo por bishita cualkier Teleshop di SETAR of SETAR Store pa haci esaki of yama 525-1700 pa mas informacion. Bishita www.setar.aw pa un bista riba tur e canalnan nobo cu a keda introduci y e cambionan den number di canal.