Aruba entre e 6 islanan mas sigur den Caribe

MIAMI - Caribe ta e vacacion di soño pa excelencia: awa turquesa, playa di santo blanco, y e sentimiento di laga atras tur preocupacion.

Pero pa turistanan inteligente, un biahe verdaderamente rehalante ta significando mas cu solo un paisahe bunita — ta significando sinti bo sigur. Segun e portal Travel Off Path, e tranquilidad mental no tin prijs, y pesey ta busca constantemente dato cu por yuda bo biaha mihor y mas trankil.

- Anguilla: Encabezando e lista como un verdadero oasis trankil, Anguilla tin e tasa di crimen mas baxo di tur Caribe.

- Barbados: Un destino bunita y confiabel, Barbados no solamente ta sigur sino cu su tasa di crimen abou ta sigui disminui aña tras di aña.

- St. Barthelemy (St. Barts): E isla chic y elegante aki ta sumamente sigur, aunque, manera cualkier destino di lujo, ta importante tene cuidao cu bo pertenencianan.

- Martinique: Cu un toke unico di cultura Franses, Martinique tin masha poco crimen generalmente, solamente crimen chikito den algun area cu mester tene cuenta.

- Islanan Cayman: Un centro bien desarroya, conoci pa buceo di clase mundial y nivel di seguridad halto na su tres isla bunita.

- Aruba: One Happy Island ta cumpli cu su nomber cu un reputacion largo di seguridad y un infraestructura turistic amigabel cu ta hasi bishitantenan sinti nan na su ais.

Pero ‘sigur’ no ta significando cu tur e islanan ta mescos.

E punto mas importante ta esaki: scohe un destino segur no ta significando cu bo mester compromete cu bo estilo di biahe. Tur e seis islanan aki ta sigur, pero cada uno ta ofrece un experiencia di vacacion completamente diferente.

E ambiente elegante y lujoso di St. Barts ta hopi diferente for di e atmosfera calm y rehalante di Anguilla. E vacacion di playa clasico y confiabel den Aruba ta diferente for di e aventura y exploracion multi-isla cu bo por haya den Islanan Cayman.