Parlamento na Corsou a para reunion di awe pa trata situacion politico

WILLEMSTAD – Lider di Par, diputado Quincy Girigorie a bisa cu presidente di Staten no tin ningun autoridad legal pa para reunion di Staten pidi pa tres miembro. Esaki e a bisa riba su plataforma social, hopi indigno ciertamente, pa loke a sosode. Ayera a sali un comunicado di Parlamento caminda ta informa cu teniendo na cuenta cu señor Javier Silvania a tuma retiro como minister, e orae reunion di Parlamento di awe no tin sentido mas.

Segun señor Girigorie, e reunion no a wordo yama pa retiro di señor Silvania. E a wordo yama pa trece claridat riba algun tema concreto. E la manda un lista cu 6 pregunta riba e tema. 

Tur esaki ta preguntanan cu ta afecta maneho di pais y cu mester contesta segun Girigorie. No ta asuntu di directiva di MFK, ta asuntu di Parlamento di Curacao.

Pues, sea Silvania tei of no, gobernacion ta continuidad. Mester contesta Parlamento, e diputado a termina.