E cabay ‘Rosalinda’ a keda devela den Oranjestad

ORANJESTAD – Diahuebs Aruba a conoce e cabay Rosalinda. E prome di 7 cabay cu lo keda devela rond di Oranjestad, y cu tin cu conta e storia di Paardenbaai. E proyecto aki ta conta cu un colaboracion di entidadnan diversifica. Artista local conoci cu ta Osaira Muyale a traha conhuntamente cu partnernan manera Aruba Tourism Authority, Ministerio di Cultura, partner internacional cu ta Mondriaan Fund y bou di guia di Renwick Heronimo.

PROYECTO

Ta trata aki di un proyecto cu ta conta e Historia di Paardenbaai, manera e nomber mes ta bisa. e ta un refleho di e storia di e area aki den Oranjestad unda den siglonan 16 tabata benta e cabaynan for di barco unda nan mester a landa yega tera. E fantasia di e cabay color blauw ta refleha netamente e hecho aki cu e ta sali for di awa.

OTRO CABAYNAN

Rosalinda ta e prome cabay instala, pero den e simannan nos dilanti lo instala e otro 7 cabaynan yama Ambrioso, Bonifacia, Dosithea, Eufrosina, Sinforosa, Saturnina y Escapia. Hunto nan lo conta e storia di Paardenbaai na un audiencia extenso.