Merca a haci un otro atake mortal riba barco cerca di Venezuela

WASHINGTON / CARACAS  – Ehercito di Merca a ataca atrobe un barco cerca di costa di Venezuela diamars. Den e atake aki, seis persona a perdi nan bida, segun CNN. Presidente Trump a bisa cu e embarcacion tabata transporta droga y tin loke hama bando cu un organizacion terrorista, pero no a presenta ningun prueba. E atake a tuma lugar den awa internacional. Esaki ta e cinco atake mortal den region caribense for di comienso di september. Den total, minimo 25 persona a perde nan bida den tur e atakenan aki.

Administracion di presidente Trump ta bisa cu e barconan tabata transporta droga, pero te awor no a presenta pruebanan na Congreso. E atakenan ta causa un tension creciente cu Venezuela. Presidente Maduro ta prepara pa proclama un estado di emergencia. Den Washington, tanto democratnan como republicanonan ta demonstra frustacion tocante e base legal di e atakenan.