Corsou ta empata cu Trinidad 1-1 den clasificacion pa mundial futbol 2026

WILLEMSTAD – E seleccion di futbol di Corsou a empata cu e seleccion di Trinidad & Tobago diamars anochi 1-1, cu ta pone nan den un situacion ‘fastioso’ pa e continuacion di e jornada pa clasifica pa e mundial di futbol 2026. Manera ta conoci, nan mester a gana nan proximo 3 weganan (incluyendo e wega di awe) pa nan sigura nan clasificacion mesora. Cu e empate aki, di K. Gorre den di 19 minuut y e empate contra, di Spicer na di 58 minuut, Corsou ta perde nan posicion di lider di e grupo B. Na momento cu e wega a termina, e otro partido entre Jamaica y Bermuda tabata 3-0 na fabor di Jamaica den di 48 minuut. Pa nan logra clasifica, nan mester gana tur dos siguiente wega, y Jamaica mester perde su weganan. E number uno di e grupo, ta clasifica automaticamente y e number 2, ta haya un chens pa un playoff na 2026.