Conferencia tocante hulandes como idioma stranhero un gran exito

WILEMSTAD - Riba 29 y 30 di september, e Conferencia Hulandes como Idioma Stranhero (Nederlands als Vreemde Taal – NVT), organiza pa NVT Netwerk den colaboracion cu Ministerio di Enseñansa, Cultura y Ciencia (OCW) den area caribense (OCW CG), a tuma luga. Corsou su Ministerio di Enseñansa, Ciencia, Cultura y Deporte (OCWS), Van Heydoorn, a habri e conferencia, unda dosentenan, trahadonan di maneho, investigadonan y profesionalnan di enseñansa a reuni pa comparti conocemento y vision tocante hulandes como idioma stranhero den e contexto multilingual caribense.

Vario oradornan for di Corsou, Aruba, Canada y Hulanda a comparti nan conocemento cu e publico, cu a experiencia e presentacionnan como sumamente informativo, aktual y relevante.

Kico ta NVT?

NVT ta referi na siña hulandes den un ambiente unda e no ta e idioma comun, manera den area caribense. E meta di esaki ta pa studiante por usa e idioma di manera funcional y cu proposito den su estudio, trabou y bida diario, mientras ta mante su identidad multilingual.

Dor di consciencia y profundisa nan conocemento di NVT, nos ta haya un mihor bista riba e acercamento didactico apropia y con den practica por duna forma na esaki. Den e manera aki, e ta contribui na enseñansa di idioma dirigi riba futuro y apropiá den e area caribense, mientras ta respecta e realidad di  studiantenan y docentenan.

META DI E CONFERENCIA

Durante e conferencia, e consciencia y profundisacion di e conocemento aki tabata central: e meta tabata pa desaroya un vision comparti tocante hulandes como idioma stranhero den e contexto caribense y traduci esaki den practica y maneho di enseñansa.

Teoria y practica a bin hunto den diferente ehempel konkreto for di region. E partisipantenan tabata principalmente for di Corsou, pero Surinam, Boneiro, Aruba, Sint Maarten y Saba tambe tabata bon representa. NVT Netwerk y Ministerio di Enseñansa, Cultura y Ciencia den e area caribense (OCW CG) ta mira bek riba un evento sumamente exitoso.

Maritsa Silberie, hefe di e departamentu di OCW CG, a resumi e mensahe central di e conferencia den e siguiente manera: “Siñamento ta un biahe sin frontera; hulandes como idioma stranhero ta e yabi cu ta brinda oportunidadnan nobo.”