Clyde Harms a sorprende cu e publicacion di “E bahul di Clyde”

Posted on 10/14/2025 2:57 pm AST | Updated on 10/14/2025 2:59 pm AST

ORANJESTAD - “E Bahul di Clyde’ ta un coleccion di mas di 100 articulo tocante un variedad di topico cu Clyde a yega di publica den diferente corant local y den revista na Aruba y Hulanda. E articulonan ta basa no solamente riba Clyde su recuerdonan, sino tambe riba investigacion cu el a haci tocante acontecimento, cultura y historia di Aruba. Pues e buki aki ta cay bou di e categoria di no ficcion. E articulonan aki ta pone nos bira consciente di nos historia y nos cultura cu tin hopi cos di siña nos. E articulonan ta skirbi na un manera masha accesibel, loke ta haci e lesamento masha placentero. Y ta casi sigur cu cerca algun lesado ta lanta un sintimento di nostalgia tambe. Nostalgia, pasobra hopi cos cu nos por a experiencia durante nos hubentud a cambia den transcurso di tempo; hopi cos a pasa pa pasado. P’esey mi por yama E Bahul di Clyde tambe “Loke Clyde a rescata pa nos”.

Na e edad respeta di 94 aña Clyde ta publica E Bahul di Clyde cu ta su di cuater buki. E otro bukinan cu Clyde a publica ta Historia di Baseball di Aruba - E Prome Añanan, Un Arubiano na Libia y Storianan di un Mucha di Lagoen. E bukinan aki ta obtenibel ainda na libreria.

Den Coleccion Aruba y Archive.org tin coleccion masha grandi di potret cu Clyde a yega di saca.

E IMPORTANCIA DI E BAHUL DI CLYDE

Ta bon pa nos pone nos recuerdonan riba papel. Den e tempo aki cu desaroyo ta bay asina lihe, nos ta lubida masha lihe tambe. E generacionnan nobo sa masha poco di loke e generacionnan mas grandi ta corda di tempo di nan hubentud.

E buki aki ta cumpli cu un demanda masha grandi, specialmente di parti di e docentenan di Papiamento cu hopi biaha ta busca texto adecua pa uza den les, cu contenido relevante y interesante tocante Aruba y region. P’esey Fundacion Lanta Papiamento ta recomenda e buki aki na e docentenan di Papiamento di enseñansa secundario. E articulonan den E bahul di Clyde ta duna hopi posibilidad pa profundisa e tareanan di idioma: di lesa, skirbi, combersa, analisa, investiga, di vocabulario. Como cu e temanan ta reconocibel pa e alumno hoben, e textonan aki ta masha interesante pa trata den les.

Y Aruba tambe, nos lesadonan, masha pabien cu e coleccion aki cu tin bon material pa lesa, pa entretene y informa nos. Material cu ta pone bo pensa pa wak kico abo mes por aporta na e historianan aki. E buki aki lo inspira hopi di nos hendenan pa nan tambe pone nan experiencia, recuerdonan, ideanan, fantasianan riba papel. Na Papiamento! Fundacion Lanta Papiamento ta masha gradicido y ta felicita Clyde Harms cu e publicacion aki. Publica buki aki na Aruba ta un hazaña masha grandi. P’esey FLP ta gradici Señor Alberto Perret-Gentil y Fundacion PANA pa nan aporte grandi na realisacion di e buki aki.

Ta bon pa menciona tambe cu e publicacion aki ta na honor di Señora Lily Prins pa tur e añanan cu e tabata activo entre otro como docente di scol, como miembro di examenbureau y como presidente di Koningin Wilhelmina Kankerfonds. Loke ta recauda cu benta di E bahul di Clyde ta bay pa Koningin Wilhelmina Kankerfonds. Un gesto inigualabel.

Darren van Ommeren mes ta dirigi SMAC pa carnaval 72
ORANJESTAD – “Despues di 4 dia di incertidumbre pero tambe varios reunion, awe ta keda confirma cu Darren van Ommeren lo dirigi SMAC den Carnaval 72”. Cu e mensahe cortico aki riba nan portal di Facebook, e organisacion cu ta maneha Carnaval na Aruba, a kita tur duda y incertidumbre riba e tema aki. Pa varios dia, tabatin varios duda. Entre nan, ken ta dirigi carnaval, ya cu gobierno no a duna e permiso ainda, y si SMAC mes ta dirigi carnaval, ken ta na cabez di e organisacion aki. Esey pasobra van Ommeren su tempo stipula lo a vence. Pero ta resulta cu e mes ta bay dirigi e organisacion y cu e organisacion a haya su permiso necesario. Carnaval ta cuminsa oficialmente dia 11 di november proximo pa 11 minuut pasa di 11 di mainta.
Mas Social
Lesa Mas
Denise de Jongh-Rekwest a lansa otro buki pa mucha na Aruba
ORANJESTAD - Riba diabierne, 31 di october a tuma luga na ATHA, presentacion di un buki nobo na Papiamento pa nos muchanan di Aruba. Titulo di e buki ta ‘No kere mes’ skirbí pa Denise de Jongh-Rekwest, publica pa Request Publishing.
Mas Social
Lesa Mas
Confirma: Juan Luis Guerra & 440 den concierto na Aruba na December awor
ORANJESTAD – Juan Luis Guerra y su 440 ta presenta den un concierto na Aruba dia 13 di December proximo. E rumor a keda confirma diaranson atardi durante un conferencia di prensa. E lugar lo ta Harbour Arena, y e concierto ta titula Juan Luis Guerra & 440 Live in Paradise. Ultimo biaha cu e tabata den region tabata na Corsou, aña pasa durante e Curacao North Sea Jazz Festival. Keda pendiente pa mas detaye di e concierto.
Mas Social
Lesa Mas
Aruba Bank a haci donación di 100 mil florin na Stichting Casa Cuna Progreso
ORANJESTAD - parti di su “Legacy Project” en conexion cu celebracion di 100 aña, Aruba Bank a anuncia cu e ta duna un donacion di AWG 100,000 na Stichting Casa Cuna Progreso (SCCP) pa yuda cu e compra di un bus nobo di 15 asiento.
Mas Social
Lesa Mas
Kiwanis Club of Aruba cu Halloween Charity Gala
ORANJESTAD- Miembronan di Kiwanis Club of Aruba (KCA) ta druk preparando pa e Halloween Charity Event 2025 diabierna 31 di oktober 2025 na Renaissance Convention Center.
Mas Social
Lesa Mas
Liliana Braamskamp-Erasmus ta skirbi e buki pa mucha ‘Zap! Zap! Zzziennnng!’
ORANJESTAD - Biblioteca Nacional Aruba ta presenta otro edicion di su Festival di Buki pa Mucha. Un festival pa tur mucha na Aruba. Un proyecto cu ta consisti di hopi evento, bishita pa scol y e produccion di un buki special. Autor di buki pa mucha, Liliana Braamskamp-Erasmus, ta trece otro aventura pa mucha, hunto cu su colega ilustrador Danielle Schothorst. Titulo di e buki ta ‘Zap! Zap! Zzziennng!’. Produccion ta di biblioteca y Levendig Uitgever. Esaki ta un buki pa tur mucha na Aruba, na dos idioma, Hulandes y Papiamento.
Mas Social
Lesa Mas