Gobierno a firma MoU cu Oranjestad Investors Group

ORANJESTAD - Durante e receptie cu a organisa pa e embahadornan recientemente na Fort Zoutman, Prome Minister Eman, Ministernan Wever, Dowers y Cicilia y representante di Oranjestad Investors Group, Sr. Elton Arends y Sr. Harry Koeman a firma un MoU pa traha hunto na mehoracion di Caya Grandi den su totalidad. Inversionistanan por drecha edificionan pero gobierno tambe tin un rol importante pa cu mehoracion di e demas aspectonan manera miho iluminacion, mas luga di parkeo, mantencion di e areanan limpi, mas mata, percura pa siguridad, otorgamento di permisonan etc.

Durante su discurso, Prome Minister Eman a indica cu "ta importante pa ta den combersacion y cu gobierno y inversionistanan a haya otro riba e puntonan mas elemental necesario pa e revitalisacion di Oranjestad. Nos capital yama Oranjestad locual ta indica e conexion entre Aruba y Reino Hulandes".

Cu e acuerdo aki, e vision pa un Oranjestad revitalisa ta haya e impulso necesario pa e trabaonan tuma luga di forma accelera