No tin scarsedad di gasoline na Aruba

ORANJESTAD – No tin scarsedad di gasoline na Aruba. Asina un doño di pomp a sigura NoticiaCla.com awe mainta. “No tin necesidad pa panico”. Loke a sosode ta cu awe mainta Valero a haya problema cu coriente, cu a para suministro di gasoline na dos pomp. Uno na San Nicolas y na Santa Cruz. Pero mientrastanto e problema a keda resolvi y tur cos ta soluciona. NoticiaCla.com a compronde cu door di e ‘informe’ inicial, a manda tur auto di polis pa tank pa evita problema. Otro pompnan di gasoline si tabatin gasoline normal ora cu e 'scarsedad temporal' a presenta awe mainta. 

SCARSEDAD

Tabata awe mainta cu varios informe a cuminsa sali cu 'gasoline lo ta cabando na Aruba'. Esaki ora cu varios persona a bay tank na e dos pompnan menciona y a wordo bisa cu 'tanki ta bashi'. Pero esey no tabata e caso, sino mas bien un problema di coriente.