A haya mama (29) y su yiu (5) morto na Terneuzen, Hulanda, mata pa violencia

TERNEUZEN - Un mama di 29 aña y su yiu di 5 aña a wordo haya morto dialuna anochi den un cas na Vincent van Goghstraat na Terneuzen. Segun polis, nan a muri pa motibo di violencia. Dilanti di e edificio di apartamento tin flor, peluche y belanan. Detectivenan ta yama na casnan den e mes caya pa haci investigacion di bario.

Polis a ricibi un yamada rond di 5:30 di atardi cu tabatin dos cuerpo den un cas. Ora nan a yega, polis a haya e muher y e mucha. Polis ta investiga kiko cu a pasa y ta pidi persona cu tin informacion pa reporta esaki.

E tata di e mucha cu a wordo haya morto hunto cu su mama “no ta sospechoso,” segun un vocero di polis. Polis a scucha cu e ta un testigo, mescos cu hopi miembro di famia, conocir y bisiñanan. Pa awor, no tin ningun persona deteni.