Formula 1 di luto pa Roscoe Hamilton, bulldog cu tabata popular igual cu e corredor

SINGAPORE - Sin e paso trankilo di Roscoe Hamilton, e Formula 1 paddock lo sinti hopi mas bashi diahuebs den preparacion pa e GP di Singapore. E bulldog di Lewis Hamilton, cu tabatin 12 aña, a fayece diadomingo anochi despues di a drenta den coma causa di un pulmonia.

Formula 1 ta di luto pa un cacho cu tabata popular igual cu e corredor mes. E ‘estrella di paddock’ tabatin e don pa haci un deporte duro bira mas cariñoso.

“MI MIHOR AMIGO”

Mescos e nobo chens di Max Verstappen pa gana campeonato mundial i su salida poco usual pa Nürburgring no tabata conta mes. Fanaticonan kier a ricibi actualizacion di un clinica di bestia na Inglatera tocante condicion medico di Roscoe. Hamilton, shete bez ganador di titulo mundial, cu ta pasando un aña di carrera desepcionante, a scapa e pruebanan di cubierta di Ferrari diahuebs pasa pa su “mihor amigo” i no a bandona su banda den hospital. Dialuna e corredor ingles a duna noticia.

“Roscoe a fayece diadomingo anochi den mi brasa. Mi a perde mi mihor amigo. Despues di cuatro dia na respiracion artificial mi a mester tuma e desicion mas dificil di mi bida.”

Cu 1,4 miyon siguidor riba Instagram — mas cu algun corredor di F1 mes (Liam Lawson 1,2 miyon i Isack Hadjar 1,3 miyon) — Roscoe tabata un mascota cu status gigantico. Siguiendo su doño Lewis, Roscoe a yega na lugarnan cu hopi fan di carrera solamente por soña di nan.