Merca ta reevalua su programa di Preclearance den aeropuerto na Canada

WASHINGTON - Merca ta reevalua su programa di Preclearance den aeropuertonan di Canada pa motibo di cantidad abou di pasaheronan. E servicio aki tabata disponibel na hopi aeropuertonan rond di Canada pa decenionan cabando, pero biahamento entre Canada y Merca a cai hopi.

Embahador mericano na Canada, Pete Hoekstra, a bisa cu e programa ya no tin sentido comercial, pasobra ta gobierno mericano mes cu ta paga pa mantene tur e sistema na funcion. Si e programa  termina, esaki lo ta un golpi pa aerolineanan canades, cu a beneficia durante hopi aña di un acceso mas facil pa nan pasaheronan pa Merca.

Segun un report di CBC, Hoekstra a bisa e cosnan aki e siman aki durante e Global Business Forum na Banff, Alberta, cu e “no ta sigur si nan por haci cu e number ainda cuadra.” Biahamento for di Canada pa Merca a cay rapidamente: segun datonan di US Customs and Border Protection (CBP), e cantidad di residente canades cu a bolbe di Merca via aire a baha cu mas di 25% den augustus.

US Customs and Border Protection (CBP) ta mantene centro di preclearance den seis pais: Aruba, Bahamas, Bermuda, Canada, Irlanda i e UAE. Na Canada mes, ocho aeropuerto ta ofrece e servicio aki, cu ta permiti pasaheronan pasa mas lihé den control di aduana mericano.