National Hurricane Center ta vigilando dos ola tropical den Caribe Tropical

MIAMI – National Hurricane Center ta vigilando dos ola tropical cu ta mustra basta organisa den Caribe Tropical. E prome ta uno cu tin actividad di awacero y lamper cu ta relaciona cu un area di presion abou, locual ta encontra algun shen miya na este di e islanan Leeward, cu ta sigui mustra señal di organisacion. Condicionnan ambiental ta wordo pronostica favorabel pa mas desaroyo, y un depresion tropico probablemente lo forma mas lat  awe of diabierna, mientras cu e sistema ta move oost-noordwest pa noordwest den Caribe tropico occidental, hopi mas na norte di e islanan Leeward.

Informacion adicional tocante e sistema aki, incluyendo menasa di bientu fuerte, por wordo haña den High Seas Forecasts emiti dor di National Weather Service.

* Probabilidad di formacion den 48 ora… halto… 90 porciento.

* Probabilidad di formacion den 7 dia… halto… 90 porciento.

Caribe Tropico Oriental (AL94):

E di dos ola tropical riba Caribe noordoost ta produci awacero y lamper desorganisa. E ola aki ta spera pa move oost-noordwest cu 15 te 20 mph, cu awacero pisa y biento fuerte riba Puerto Rico y islanan Virgin awe, y riba Republica Dominicano anochi. E sistema aki despues ta spera pa frena su movecion y bira noordwest ora yega den Atlantico suroccidental mas lat e siman aki.

Condicionnan ambiental ta wordo pronostica mas favorabel pa desaroyo den algun dia, y un depresion tropical probablemente lo forma ora e sistema ta den cercania di Bahamas. Interesnan den islanan Virgin, Puerto Rico, Republica Dominicano, islanan Turks and Caicos y Bahamas mester sigui e progreso di e sistema aki. Un avion di Air Force Hurricane Hunter ta programa pa hasi un survey di e sistema aki e atardi aki pa colecciona dato for di e ambiente rondo, si necesario.

* Probabilidad di formacion den 48 ora… abou… 30 porciento.

* Probabilidad di formacion den 7 dia… halto… 80 porciento.