Premier danes: “Drone ta e mayor atake riba nos infrastructura te awor”

COPENHAGUE - Dinamarca ta considera e dronenan desconocido cu ayera anochi a viola espacio aereo y a para trafico aereo como “un atake” riba aeropuerto di Copenhague. Pasobra di e dronenan, e aeropuerto a keda cera rond cuater ora.

Premier Frederiksen ta bisa cu esaki ta “e atake mas serio riba infrastructura critico danes te awor.” E no ta exclui ningun opcion tocante ken por ta  tras di esaki y ta referi den un declaracion na drone-atakenan anterior y violacion di espacio aereo den Europa. E hefe maximo di polis danes ta papia di “un situacion hopi serio.”

Comision Europeo ta bisa cu nan kier warda resultadonan di investigacion prome, pero nan ta sospecha involucracion ruso. “Basa riba loke nos a mira den e simannan pasa, nos ta mustra Rusia cu nan accion irresponsabel. Nos ta totalmente solidario cu Dinamarca i Noruega.”

Ainda no ta cla for di unda e dronenan a bin. Segun autoridatnan, tabata drone profesiona, bastante grandi, y despues di algun ora nan mes a sali for di espacio aereo, segun a wordo bisa durante un conferencia di prensa.

Polis danes ta bisa cu na Copenhague tabata trata di hopi dronenan cu a bin for di diferente direccion.

Poco despues cu dronenan a wordo deteca, ejercito a wordo pone den accion, pero pasobra di consideracion di seguridad e dronenan no a wordo tira for di aire. Segun polis, ciudadano riba tera nunca no a keda den peliger.