Gabrielle ta bira e di dos horcan di temporada pa 2025

MIAMI – Gabrielle a bira e di dos horcan pa temporada di horcan 2025 dialuna mainta. No tin ningun vigilancia costero of avisonan vigente. Interesnan den Bermuda mester sigui di cerca e desaroyo di Gabrielle.

UBICACION 

Na 9:00 AM AST (1300 UTC), centro di Horcan Gabrielle tabata localisa cerca latitud 30.6 Nort, longitud 62.2 Oeste. Gabrielle ta move direccion nort rond 10 mph (17 km/h). E movecion general aki ta spera pa awe, sigui cu un movecion mas rapido na noordoost of oost-noordoost diaranson. Segun e trayecto pronostica, e centro di Gabrielle ta spera pa pasa banda oost di Bermuda anochi. Imagen satelital ta mustra cu e biento maximo sostene a subi te 120 mph (195 km/h) cu rafaga mas halto. Gabrielle ta un horcan categoria 3 riba escala di biento di Horcan Saffir-Simpson. Gabrielle por intensifica mas awe, aunke algun debilitacion mester cuminza pa dia diaranson. Bientonan cu poder di horcan ta extende for di centro te na 30 mi (45 km) i bientonan cu poder di tormenta tropical ta extende te na 140 mi (220 km).

 E presion central minimo ta 957 mb (28.26 inch).